بعد ماوصلو للكفترياء_
خالد: هااااه ياحلوه وش اطلب لك
لميا: سلاش
خالد رفع حاجبه: بس
لميا: ايه
خالد: والغدا
لميا: مشكور والله مالي نفس احس اني شبعانه
خالد: تلعبين ع نفسك والا علي اي شبعانه الله يهديك ماكلتي شي وتقولي شبعانه
لميا ابتسمت: والله شبعانه
خالد: شوفي انا والله حيل جوعان احس اني بموت جوع لكن اذا ماكلتي يحرم علي الاكل
لميا كشرت: خالد ليش كذا والله مو مشتهيه
خالد حط يده ع خده: كيفك مو اكل خلاص
لميا حطت يدها ع خدها تقلده: خلاص يادلوع روح اطلب لي مثل ماتطلب لك لكن قلل كمية طلبي
خالد ابتسم: ابشري انتي تامرين امر
.................................................. .................................................. .................................................. .................................................. .................................................. .........
((عمري ماتمنيت شي قد ماتمنيت اشوفك وروي عيني من حلاك وتلمس كفوفي كفوفك لا تعايشني بخوف وتعتذر لي بظروف حتى انا عندي ظروف يمكن اصعب من ظروفك))
ساره: هلا وغلا ومرحبا ومسهلا
نوف: اوب اوب اوب كل هذا الترحيب لي اليوم الشمس من وين طالعه
ساره: هههههه حرام عليك هذي جزاتي والله مشتاقه لكم كلكم
نوف: نصابه لو مشتاقه ليش ماتجين وانتي لك اسبوعين ماجيتي
ساره: والله اني ما افضي كل وقتي مشغوله اخباركم اخبار عمي وعمتي
نوف: كلهم تمام مانقصهم الا شوفتك
ساره: ان شاالله نجيكم بس مدري متى هههههههه
نوف بوزت: لا ياشيخه عسا ماتعبتي
ساره تضحك: لاوالله ماتعبت
نوف: المهم عطيني وعد انك تجين اليوم
ساره كشرت: لا اليوم لا والله مضغوطه حدي بعدين نسيتي اجهز لملكتي حبيب القلب بيشوفني
نوف تضحك: وانا اشوفك كل شوي تقولي مشغوله ومرتبطه قلت وش سيدة الاعمال ذي اثاري فيصل عامل عمايله فيك
ساره تتنهد: آآآه بس ربي يحفظه انا مدري كيف بس ترددت دقيقه بالموافقه
نوف وهي تضحك: احم احم ترا للحين انا عذرا لاتخربيني
ساره : هههههه والله انك فاهمه با الزواج اكثر مني
نوف: ربي يرزقنا بس
ساره تبتسم: ايه الله يجيب مطر
نوف: وش قصدك
ساره وهي كاتمه ضحكتها: ابد سلامتك
نوف بوزت شبرين: ايه احسب بعد
ساره تضحك: خلاص يادلع امزح
نوف كشرت: خلاص بسامحك مره وحده بس
ساره: ايا الطماعه مره وحده بس
نوف: احمدي ربك
ساره: ههههه الحمد لله(سكتت شوي قالت بتردد) نوووف
نوف: يمه اخاف منك اذا سمعتك تنطقين اسمي كذا احسك بتسألي سؤال يخوف
ساره برتباك: لا ماراح اسأل خلاص اسحب كلمتي
نوف طقها عرق الفضول: ساره احسن لك قولي وش تبين
ساره: لا لا خلاص قلتلك مابي
نوف عصبت وفضولها زاد: يابنت اعقلي وقولي وش عندك
ساره: خلاص والله خلاص سؤال تافه وراح
نوف مدت البوز: خلاص براحتك بسكر ياالله
ساره: نوف حبيبتي لاتزعلين
نوف بقهر: يا اختي شي يقهر شبيتي عرق الفضول قولي وش عنك
ساره بتردد: اممممممممم (غمضت عيونها) اخبار خالد لا تقولين ماتعرفين اخباره لاتكذبين انا اعرف انك اقرب خوات خالد له وانه مستحيل يقطع فيك(نزلت دموعها ع حبيب الطفوله) اخباره(تهدج صوتها) واحشني
نوف غمضت عيونها وتركت المجال لدموعها تنزل بدون مقاومه واخذت نفس طويل: وش الي ذكرك فيه
ساره بدموع نازله وصوت كاسيه الألم والحزن: هو انا اقدر انساه عشان اذكره
نوف بغصه: للحين تحبينه
ساره بصوت هامس وكسير: عمر الي يحب مايكره
نوف بألم: غلاته ماتغيرة
ساره بكت بكا يقطع القلب: اكذب عليك لو اقول ماتغيرت صدق حبي له تغير وخف لكن للحين احن للماضي اكثر من الحاضر
نوف بكت: يعني للحين تذكرين حبه
ساره بألم وضعف: الي بعيد عن العين بعيد عن القلب هذي الكلمه دام ارددها عشان اجبر نفسي على النسيان لكن ما اقوى
نوف بصوت هامس: وفيصل
ساره بكت: احول والله احول اني احبه واسلمه قلبي لكن غصب عني احب غيره صدق تأقلمت ع وجوده بحياتي (تنهدت) وحتل مسافه كبيره بتفكيري لكن وما الحيب الا الحبيب الأولو
نوف بصوت كسير: ياساره لاتخونين فيصل بقلبك فيصل مايستاهل
ساره ودموعها تجر ع خده: خالد خالد وش لونه
نوف ابتسمت بألم: الحمدلله بخير
ساره بفرحه ماتوصف: يعني بخير يعني تواصلين معه
نوف هزت راسها وضحكت من بين دموعها: ايه متواصله معه(كشرت)بس ما يبي احد يدري حتى امي ماتدري اذا اشتاق لها يتصل علي ويخليني اسولف مع امي ويسمع سوالفنا ويكتفي انه يسمع صوتها بدون لا يكلمها
ساره بغصه: طيب عمتي ليش مايكلمها تعبت من كثر ماتحاتيه صارت تتحسر ع الدقيقه الي خالد مايكون فيها موجود
نوف بألم: شسوي قلت له امي صار راسها كله ابيض من كثر ماتحاتيه بس هو محلفني ماقول لها
ساره تحاول تكبت دموعها:طيب هو وينه
نوف تنهدت: ببريطانيا
ساره بصوت كسير: طيب كيف تحمل الغربه
نوف ودموعها تغطي وجهها: متأقلم معها يقول الغربه هذي هي الي احتوتني وهي الي عطتني من حنانها عاد هناك عنده صاحبه سعودي اسمه فهد يقول انه اخو دنيا وعنده لمــ...( كانت بتقول عنده لميا حبيبته بس خافت تجرح ساره طبعآ نوف ما درت ان لميا صديقتها هي نفسها لميا حبيبة اخوها)
ساره مسحت دمعتها بظهر كفها مثل الطفله: وش كنتي بتقولي
نوف مسحت دمعتها بطرف اصبعها قالت برتباك: ماكنت بقول شي بس امي تناديني
ساره: طيب مع السلامه طمنيني ع خالد اذا اتصل
نوف ابتسمت: ان شاالله ياالله مع السلامه
.................................................. .................................................. .................................................. .................................................. .................................................. .................................................. ............
.........: آآآآآه
لميا: ههههه وش فيك
خالد: فيني نوم داااايخ
لميا: لاتعذب نفسك روح نام
خالد وقف ومد يده للميا: اوكي قومي
لميا مسكت يده ووقفت: وين بنروح
خالد دفع الحساب ولف عليها وقرص خشمها ابتسم: بنروح للبيت بيبي
حكت خشمها وكشرت: اي بيت انا بجلس عند بابا انت روح ريح وانا بضل هنا
خالد ناظرها بنص عين: يعني ماراح تستقبلين ضيفكم
لميا رفعت حاجبها: اي ضيف..؟!
خالد ابتسم: انا
لميا بفرحه: صدق خالد بتروح لبيتنا
خالد ضغط ع يدها: طبعن اذا ماعندك مانع ياسنيورا
لميا بمرح: طبعآ ماعندي مانع(كشرت) طيب بابا اخليه لحاله
طلعو من الكفتريا خالد: كيف لحاله الله معه وبعدين لو تجلسين عنده مراح تدخلين ممنوع بس بيحترق قلبك ع الفاضي
لميا بنفسها"ياربي بدونه والله اضيع": خلاص الي تشوفه (ابتسمت)البيت البيت
خالد ببتسامه: تسلم لي هالابتسامه اوكي تعالي اركبي معي بسيارتي ماله داعي سيارتين
لميا: اوكي
.................................................. .................................................. .................................................. .................................................. .................................................. .................................................. .................................................. ..............
.........: ساره حبيبتي وش فيك سرحانه اكيد بحبيب القلب
ساره ابتسمت: هلا عبدالعزيز شقلت
عزوز: لا والله شكلك سرحانه بجد لهدرجه لاحس عقلك
ساره بتعجب: مين الي لاحس عقلي
عزوز: ههههه اجيك يمين تجيني شمال ماقول الا الي اخذ عقلك يتهنابه
ساره ضحكت: آآه الحين فهمت قصدك بمين سرحانه
عزوز: صباح الخير توماجاك الارسال
ساره: ههههه حرام عليك خلني اسرح براحتي
عزوز غمز لها: وين وصلتي
ساره تنهدت تنهيده طالعه من قلب: وصلت لبريطانيا
عزوز: اوب اوب اوب كل هتنهيده هههههه لاعاد بريطانيا مره وحده قولي الرياض نسيتي ان حبيب القلب هناك
ساره بنفسها"حبيب القلب ياخوي ببريطانيا خالد حلمي البعيد ببريطانيا خالد حلمي المستحيل ببريطانيا" قالت بدموع مغرقه: لا ياعزوز غلطان حبيب الروح ببريطانيا
عزوز استغرب من دموعها وجلس جنبها: سارونتي حبيبتي ليه الدموع
ساره رمت نفسها بحظن اخوها الكبير وصارت تشاهق: ابيه ابيه (رفعت راسها ودموعها تسيل ع خدها بشكل يقطع القلب)عزوز تكفي ابغى من ملك قلبي
عزوز عقد حواجبه وقال بنبره حاده: مين تقصدين...؟!
ساره حست ع نفسها: اقصد لميا صاحبتي ابيها (رجعت تبكي على حبيب الطفوله) تكفى ابي لميا محتاجتها
عزوز ابتسم وضمها ع صدره وصار يمسح ع راسها: خلاص حبيبتي خلاص كل هذا شوق الي يشوفك مايقول كل شوي وانتي تكمينها
ساره تذكر ملامح خالد الجديه حتى وهو صغير تذكر وهم صغار اذا احد ضربها اوهوشها يضربه حتى لو كانت هي المخطيه تذكر لما تكون زعلانه كان مايخليها زعلانه على طول يجلس عندها لين ترضا كان هو فارس احلامها وهي طفله وهي مراهقه وهي شابه كان بنسبه لها الامير شارل وهي سندريلا صدق فيصل فيه كل المواصفات الي تحلم فيها اي بنت لكن خالد بنسبه لها غير خالد غير جهشت بالبكا زياده وهي تذكر خالد ضمها عزوز زياده: بس ياساره بس
ساره وهي تبكي: مشتاقه ياعزوز حييييييييل مشتاقه احس قلبي كل ماله يتقطع ع الفرقا
عزوز: طيب انتي هدي الحين واذا هديتي روحي كلميها
مسح عبدالعزيز دموعها بصابعه وقالها بحنان: حبيبتي قولي اعوذباالله من الشيطان الرجيم
ساره: اعوذ باالله من الشيطان الرجيم
عزوز: ياالله ياقلبي هذا جوالي خوذي كلميها
ساره ابتسمت بنعومه: لامشكور عندي جوالي مابي اكلمها
عزوز عقد حواجبه: الحين كل هاصياح واخر شي ماتبين تكلمنها
ساره ابتسمت: لوبكلمها بتعرف اني صايحه وبكذا راح ازيد عليها وهي مي ناقصتني
عزوز بستغراب: طيب شدريها انك صايحه
ساره ناظرت فيه بنص عين: نسيت انها صديقتي
عزوز بتعجب: طيب وان كانت صديقتك كل هذا ماتقدرين تمسكين لسانك مو لازم تقولين لها انك تبكين والله امركم عجيب يالبنات الوحده ماتسوي اي حركه الاتعلم فيها صديقتها
ساره انفجرت ضحك: هههههههههههههه من قالك اني اعلمها...؟!
خالد:انتي تو تقولين بتدري اني باكيه
ساره: طيب انا ما اقصد اني اعلمها اقصد هي راح تحس فيني قبل لا اتكلم اذا كنت متضايقه راح تحس حتى لومانطقت بحرف وراح تضايق معي حتى لو قلت لها مو متضايقه ماراح تصدقني واذا كنت فرحانه راح تحس فيني قبل لا اتكلم وراح تفرح لفرحتي حتى لو كانت متضايقه
عزوز: الله كل هذا والله ياسوسو حنا يا الشباب مانفهم لخربيطكم هذي الصوت واحد سوا كان الولد متضايق او فرحان ما يفرق الصوت
ساره بغرور: شفت كيف حنا مو سهلات نفهم ع بعض
عزوز: هههه امحق سهلات
ساره: بروح اكلم دانه احسن من مقابلتك وطلعت له لسانها وراحت لغرفتها
اما عزوز جلس يضحك ع خبال اخته ومزاجها المتقلب
((عبدالعزيز اكبر اخوانه اخو ساره عمره٢٧سنه يشتغل بشركة ارامكو بالشرقيه ويجي لأهله الاربعا والخميس ويمشي الجمعه عزوز انسان جدي بحياته اكره ماعنده دلع البنات بنفس الوقت مايحب يشوف دموع البنات يتقطع قلبه قلبه طيب بزياده لكن اذا عصب ابعدو عن وجهه بركان ثاير واحلى مافيه انه مايعرف كلمة (لا) الا بضروره القصوى))
.................................................. .................................................. .................................................. .................................................. ........
......: هذا بيتكم وصلنا
لميا: اي هذا بيتنا (لفت بتنزل ومسكها خالد مع يدها):لميا بسألك سؤال
لميا بأبتسامه: طيب ماتقدر تأجل سؤالك لين ندخل في البيت.......؟!
لان الشمس احرقتني
خالد رد الابتسامه بأحلى منها: يانصبه وين الشمس الحين بتغيب وسؤالي مراح تنزلين لين تجاوبين عليه
لميا ضحكت: انا نصابه زين يادب اسأل.....؟!
خالد ابتسم: امممممم ليه ماشوفك اذا جيت لبيتكم
لميا بستنكار: انت عمرك جيت بيتنا
خالد: ايه جيت مرتين قبل لا اعرفك بس ماعمري شفتك الا بالجامعه
لميا استغربت: شي غريب حتى انا اول مره شفتك فيها بالجامعه
خالد ببتسامه تذوب الصخر: اوكي الحين انزلي
لميا بخوف: وانت
خالد: هههههه انا بنزل وش فيك خايفه
لميا براحه: اشوى ع بالي انك تكذب علي
خالد قرص خدها: هو انا اقدر اكذب عليك
لميا بأحراج: تسلم ربي يخليك
خالد بنظرها كلها حب: ويخليك
.................................................. .................................................. .................................................. .................................................. ........
سلوى سلوى
قالته لميا بمرح
خالد: لمو تصدقين اول مره ادري ان صوتك عالي
لميا بنص عين: شقصدك
خالد كتم ضحكته: ابد سلامتك ما اقصد شي
توجهت لميا ناحية الصاله ويدها بيد خالد اول ماشفت الكنب نطت عليه بمرح: ههه خالد جرب نط ع الكنب والله تجنن
ضحك خالد ع حركاتها الطفوليه: والله انتي الي تجننين
لميا تصبغ وجهها من الاحراج وصارت تضحك بهستريا
خالد استغرب من ضحكها صار يتبسم ع شكلها وهي تضحك: لمو فيك شي شاربه شي احسك مو بصاحيه
لميا وقفت ضحك وبتسمت وهزت راسها بمعنا لا
خالد: طيب ....
قطع كلامه صوت سلوى وهي ترحب بلهفه: اهلآ خانوم لميا كيفك وكيف البيك ان شاالله منيح شو صار الو كيفو الحين خفنا عليه يابنتي
خالد اكتفا انه يبتسم وهو يشوف اسألتها كلها لهفه ويشوف عيونها يشع منها حنان
لميا ابتسمت لها: الحمدالله كل شي تمام والله اهو للحين ماطلع لكن ان شاالله انه بخير دعواتك ياسلوى له
سلوى رفعت يدها وبدت تدعي: ربي ياكريم احفزه(احفظه)وخلو لبنتو وطول النا بعمره واومه بسلامه يارب
لميا ابتسمت ع دعاها: مشكوره سلوى لوسمحتي روحي جهزي الغرفه الي جنب غرفتي وجهزي بيجامه لخالد
سلوى تناظر بخالد: لك ياميت اهلا وسهلا نورت وشرفت يابيك
خالد بأبتسامه: هلابك منور بوجود لمو(ناظر لميا وابتسم ابتسامه دوختها)
سلوى: بدك اجهز الك الحمام يابيك
قاطعتها لميا: اي اكيد جهزيه حطي بالجكوزي من العطورات الي عندي
راحت سلوى وخالد جلس يتمدد ويتثاوب
لميا: خالد وش فيك
خالد: مافيني الا النوم
لميا اوقفت: طيب قوم اوصلك لغرفتك
خالد وقف: ياالله
طلعو فوق خالد انبهر بالبيت وبتصميم البيت واثاثه وكبره
لميا: هذي غرفتي وهذي الي جنبها غرفتك والي فنهايت السيب غرفت بابا
(لميا امسكت يده) تعال شوف غرفتك
خالد مفهي مع البيت دخلو بالغرفه وانبهر خالد زياده شكل الغرفه رايق مره لون الغرفه بني مع بيج السرير كبير وواسع عمدان السرير بحد ذاتها تأسر الواحد ريحت الغرفه ريحت عطورت تدوخه الوحد والتسريحه كبيره ومن النوع الثقيل وع السرير بجامه ناعمه لونها بني وفي غرفه ثانيه للملابس وفي غرفة حمام والوان الغرفه رايقه ورومانسيه
لميا: انابخليك الحين بروح اخذ لي شور وبغير
اكتفا خالد انه يبتسم
دخل خالد الحمام واخذ له شور وطلع من الحمام وهو ماوده انه طلع العطورات فيها ريحت لميا وريحت عطورات لميا تجذبه بشكل جنوني لبس البيجامه وتمدد ع السرير وهو يفكر بلميا
اما لميا اخذت شور وطلعت البست بيجامه حرير لونها احمر برموده وكت وعلى البلوزه في ورود بالابيض وخلت شعرها مثل ماهو رطب وتعطرت وراحت بتشوف خالد وتطمن عليه ماهي مصدقه طايره فرح فيه
خالد حس باراحه وهو متمدد ع ظهره ويناظر السقف وجو الغرفه شاعري مره الليتات برتقالي خفيف مقصر ع الليت لاخر شي يعني الي يدخل الغرفه يحس ان الي منورها شموع سمع صوت طق خفيف ع الباب
خالد: ادخل
دخلت لميا راسها بس: ممكن ازعجك
ابتسم خالد وجلس ع السرير وظهره وراها مخده وجسمه مغطا باللحاف: اتفضلي ازعجيني
ادخلت لميا وسكرت الباب وجت تمشي ناحيته خالد تنح انهبل انجن ع شكلها بحياته كلها ماشفها ولا شاف غيرها تفتن هالقد صدق انها ماتكلفت بلبسها ولبست الي قدامها ع طول لكن بلبسها هذا اسرت خالد لميا انحرجت من نظرات خالد لها ابتسمت له وناظرت نفسها: فيني شي غلط
خالد بلع رقيقه: هااا...... لا لا مافيه شي
خلاص خالد انتها ياناااااس هالبنت فتنه فتنه بكل ماتعنيه هالكلمه ياعااااااااالم خالد رجال بكامل رجولته وقدامه بنت بكامل فتنتها تفتن لحد الجنون يعني اذا غلط خالد لاتلومونه لوموها هي لانها طلعت له بشكل هذا
خالد صد عنها يبي يبعدها عن باله خالد بنفسه((اعوذ باالله من الشيطان الرجيم الله يالعنك ياالشيطان ياربي...... اني استغفرك واتوب اليك ياربي صبرني وثبتني ...... ياربي ابعدها عن طريقي ياربي يارب))
خالد وجهه للحين بالجهه الثانيه: لميا اطلعي برا فيني نوم
لميا استغربت من صدر خالد يطلع وينزل وتنفسه زاد وتحسه عرق
لميا قربت بجلستها من خالد خالد بالاصل جالس ع حافة السرير بس فيه فراغ بسيط لميا جلست بالفراغ هذا بحيث تكون رجلينها بالارض حطت يدها ع رقبة خالد: خالد وشفيك تتنفس كذا
خالد مسك يدها بيبعدها ولف راسه وشاف شكلها وعجز لا يقاوم ومسك يدها وباسها: مافيني شي حبيبتي بس زيادة ارهاق بنام الحين ولا تصحيني ولا تدخلين ع مابي ازعاج الله يخليك نزل يدها من يده وعدل المخده ع السرير وانسدح ع بطنه وجهه بالجهه الثانيه واخذ الغطا وغطا راسه
لميا افتحت الغط عن راسه: اوووه خالد بليز قوم اجلس معاي
اول مافتحت الغط فاحت ريح عطرها ع خالد وزاد انجذابه انجذاب دخل اصابعه بشعره بتوتر وغمض عيونه بقوه: لميا رجعي الغطا
لميا: لا لا
خالد حط المخده فوق راسه: اطلعي يا لميا احسن لك ترا ما بي اضرك
لميا فهمت كلمة اضرك خطا تضن انه يهددها انه يضربها ويضرها من الضرب: ههههههههههه ضرني احد ماسكك اصلآ انا من زمان عن الضرب ما احد عمره ضربني قربت من خالد ميلت جسمها ع السرير وصارت تلعب بشعر خالد
خالد لف عليها بيصرخ يبغاها تطلع لكن اول مالف لجهتها تبخر هذا كله شافها مايلها بجسمها عنده بسرير وفتحت صدرها مره مفتوحه ويدها ع شعره تلعب فيه وتبتسم لها ماقدر يصبر خصوصآ ان ريحت عطرها هذا عذابه سحبها بقوه لناحية صدره وضمها وباسها بوقوه ع خدها وشالها من فوقه وحطها جنبه وصار يبوسها بشكل جنوني مع كل مكان لميا مثل المخدره بين يديه ماتدري وش صاير فيه وفجأه تذكرت كلمته ابعدي لا اضرك وفهمت قصده ع طول ابعدت خالد عنها بعد جهد جهيد: خالد أ....أ....أبع ع ع د
خالد حاول بكل قوته انه يقاوم فتنتها ولف وجهه ورا وصرخ صرخه ارعبت لميا: اطلعي برا فاهمه والا والله ما تلومين الا نفسك
لميا قلبها الي بين ضلوعها طار من الخوف : ط......ط......طيب
وطلعت تجري من غرفته لغرفتها اول مادخلت غرفتها قفلتها عليها من الخوف ثلاث قفلات واعطت المجال لعيونها تبكي ع خبالها كيف نست انه ولد كيف نست انها جننت البنات بجمالها عاد كيف وهو ولد بكامل قوه العقليه تبكي ع نفسها كيف اسمحت لنفسها تطلع له بلبس النوم تبكي ع وفا خالد لها انه حاول يحذره منه وقالها تطلع برا ولف وجهه عنها وتغطا عشان تبعد وهي تقول وتشيل الغطا عنه وتلزق فيه تبكي ع حبها لخالد وين وصلتها الثقه تطلع كذا عنده عادي راحت بتنام بتهرب من التفكير مرة من عند التسريحه وشافت
اثر تبويس خالد لها كيف صاير وجهها احمر من قوه التبويس تذكرت اللي صار لها ورجعت تبكي من جديد وقضت ليلتها بالبكا
اما خالد آآآآآه ياخالد شقول لكم عنه اول ماسمع تسكيرتها للباب نزل يده من شعر ورما نفسه الي ثقلها الهم ع السرير وهو يقول((الله يالعنك يالشيطان الحين وش بتقول عني...... لكن احسن عشان تربا وتعرف الصح من الخطا ......بس ياربي شسوي الله يالعنك يابليس الله يلعنك انا لازم اصحح غلطتي))وهو الثاني النوم مازاره قضا ليلته بتفكير كيف يصحح غلطته يعتذر ويروح ويبعد ويخليها بس هو مايبي يبعد يبي تكون جنبه ومعه لانها بالعربي تسللت لقلبه بهدوووووووو
.................................................. .................................................. .................................................. .................................................. ........قام خالد ع الساعه ٩الصباح استغرب كيف نام مايتذكر متى صحى قام واخذ له شور ولبس ملابسه وطلع وقف عند باب غرفة لميا محتار يدخل او لا وده يدخل بس ماله وجه وجا بينزل لكن تذكر ان لميا جايه معه بسيارته وانها قلقانه ع عمها قرر يدخل بغرفتها يصحيها ويحاول ينسا وبا الاحر يتناسا الي صار امس طق الباب لكن مافيه اجابه حاول يفتح الباب لكن لقاه مقفل مرة من عنده سلوى
سلوى: صباح الخير يابيك
خالد: صباح النور
سلوى: بدك اشي يابيك
خالد: اطق ع لميا وماتفتح
سلوى: دئيئه يابيك بجيب سبير الباب
خالد: اوكي
راحت سلوى وبعد ثواني جت ومعها المفتاح اخذه خالد و فتح الباب ولقا لميا نايمه ع السرير بالعرض وبلبسها الي البارح وبدون غطا قرب من عندها وشافها ماسكه المفتاح بيدها قال بصوت هامس: لميا لميا
مافي رد كانت مستغرقه بنوم لانها مانامت الا ساعتين
علا صوته: لمو لميا
فتحت عيونها بكسل: بابا الله يخليك خمس دقايق بس
ابتسم: لمو انا خالد يا الله قومي
لميا لفت وجهها لخالد وفتحت عيونها ع كبرها وفزت واخذت الغطا وغطت جسمها وماطلعت الا راسها خالد اول ماشفها كذا عجز لا يمسك نفسه: هههههههههههههههههههههههههههههههههههههههههههههههههه هههههههههههههههههههههههههه ياحبي لك هههههههه لاتخفين والله مو مسويلك شي
لميا بحذر وبخوف: وش عندك داخل
خالد بأبتسامه: بس جيت بشوفك بتجين معي لبو نواف او لا
لميا نست نفسها ورمت الغطا ونطت ووقفت قدم خالد: ايه خالد ثوني بس البس واجي الله يخليك
ابتسم لها ولخبط شعرها: زين انتظرك ناظر فيها من فوق لتحت نظره احرقتها
لميا ووجهها احمر اضربت خالد ع صدره: دب وراحت تجري تدخل الحمام
خالد: هههههههههههههههههههههههههههه خلاص انتظرك تحت
.................................................. .................................................. .................................................. .................................................. ........
بعد متجهزت لميا اخذها خالد للمستشفى لبو نواف والحمد لله قالو ان حالته مستقره وان العمليه نجحت لكن رفضو دخول لميا عنده لانه تحت الملاحظه وهم مايبغون اي ازعاج عنده
لميا: خالد الله يخليك بدخل مايفهمون ان الي داخل بابا
خالد: ياماما وين تدخلين ابوك مايتحمل دخول اي شخص عنده
لميا مدت بوزها: طيب
خالد ابتسم بحنان: لمو تبين تشوفينه من بعيد
لميا مسكت زنده بقوه: اي الله يخليك بس اهم شي اتطمن عليه
خالد قرص خشمها: اوكي ياعسل ياالله
.................................................. .................................................. .................................................. ......
ساره: ياالله جوالي وين طس مالقى يضيع الا الحين
فجأه انفتح باب غرفتها بقوه وتدخل الخدامه
سنيتيا معصبه: هااايه انتا في جوال اوجع راس انا كلو دووق خوذ جوال انتا مافي شوف مره ثاني مطبخ كلاس
رمت الجوال ع السرير وطلعت وسكرت الباب بقوه
ساره سكرت اذانها من قو تسكيرت الباب: بسم الله وش ذا الاعصار صدق خدم ماينعطون وجها هذا عشاني امس سولفت معها عن عيالها طقت الميانه لكن اوريها هذي يبغا لها كسرت خشم الكلبه
بس الحمدلله جابت جوالي بوقته بتصل ع الزفت لميوه والله اشتقت لها مع ذيك الوجه
.................................................. .................................................. .................................................. ......
((لا تخاف من الزمان الزمن ماله امان خاف من الي كان امانك.......))
خالد: لمو الله يهديك هذا وقت تفتحين جوالك راح تأثر الذبذبات ع المرضى
لميا: سوري خالد نسيت ماكنت عارفه الحين بقفله
قفلت لميا الخط بوجه ساره ومن بعد ماقفلت الخط قفلت الجهاز كله
لميا: خالد وين غرفة بابا كم باقي وناصل
خالد ابتسم: الله يطول لي بعمرك تونا ماشين وش بك مستعجلها
لميا مدت بوزه: خالد
خالد ناظرها بنص عين وابتسم: لبيه
لميا : بجد اشتقت لبابا
خالد بحنان: يا بابا انتي خلاص مع الفه هذي نلقى غرفة ابوك
لميا بفرحه: صدق خالد
خالد لخبط شعرها بطريقه طفوليه: صدق ياعيون خالد
بعد ماوصلو عند بندر وقفت لميا عند باب غرفته وشافت كيف مستسلم للاسلاك الي موصله بجسمه غرقت عيونها ونزلت دموعها بدون مقاومه خالد حز بخاطره وضع لميا
خالد حط يده ع كتفها: لمو ليش الدموع
لميا عصبت: تسلني ليش دموع ماتشوف بابا بالفراش مايتحرك منه عضو عاجز
خالد: طيب مفروض تحمدين الله وتشكرينه ان ابوك بخير وانتي جالسه تبكين
رجعت لميا تشوف عمها ودموعها ماجفت راح خالد يجلس ع الكراسي ينتظرها فجأه صرخت لميا: خااااااااالد
جا خالد يركض: وش فيك
لميا بتسامتها اخذه طريقها من بين دموعها: والله والله ورجعت تصيح
خالد مسك اكتاف لميا وهزها: لمو وش فيك وش صاير انطقي
اشرت ع بندر وزادة بكي ناظر خالد ببندر لقاه ع وضعه مثل ماهو ماتغير: لميا قولي وش حاصل
لميا تمسح دموعها بكفها: بابا والله تحرك حرك راسه يمين وشمال والله صادقه
التفت خالد لبندر وشافه ع وضعه ماتحرك: لمو الله يهديك تخيلين
لميا امسحت دموعها بعزيمه: والله ما اتخيل والله تحرك
خالد: خلاص اهدي انتي وانا بروح لدكتور واقول له يشوف حالته
راح خالد ولميا لدكتور وستفسر عن حالة بندر قالو انه شي طبيعي يصحى ويرجع ينام لان كمية البنج بجسمه كثير ولكذا هي الي تمنعه ليصحا
خالد: هااااااه الحين تطمنتي ولا لا
لميا بأبتسامه: لا الحمد لله تطمنت الله يطمنك
خالد رد لها الابتسامه: طيب بما انك تطمنتي عليه بنروح لشقتي بغير انقرفت من ريحتي
لميا: لا روح انت انا بجلس عند بابا يمكن يصحى
خالد: لا ما اتوقع بيصحى يالله عاد روحي معي
لميا هزت راسها بنفي: سوري خالد والله قلبي مايطيع اروح واخليه لحاله وهو احتمال يصحى
خالد: اوكي خلاص انتبهي ع حالك
اكتفت لميا انها تهز راسها وتبتسم له
طلع خالد من المستشفى لشقته ولقى فهد نايم
خالد: فهوووووووود
بو فهيييييد قوووووووووووم
فهد: اوووووووف ياأخي وش تبي غاثبي نعم
خالد: قوم بسك نوم ماشبعت
فهد: ماشبعت ولا راح اشبع انت وش دخلك الحين
خالد: اللهم سكنهم في مساكنهم
فهد: خلاص مدامك تقول اللهم سكنهم في مساكنهم اذلف عن وجهي عشان اسكن بمكاني
خالد: ههههه قوم قوم روح معي المستشفى ابو لميا تعبان
طنشه فهد ورجع يغطي راسه بالمخده
خالد: شوف بعطيك خمس دقايق بطلع اكلم وارجع وياويلك اذا رجعت ولقيتك نايم والله لرش عليك ماء وغرقك فيه وانت بكيفك
طلع خالد بدون ماينتظر رده وصار يقلب بالجوال لين استقر على *¥\نور دنياي/¥* وابتسم وضغط زر الاتصال
....: هلااااااااا وغلااااااااا يا بعد دنيتي
خالد: هههه هلااااااااا بك انتي يالغلا كيفك حبيبتي
نوف: تمام بخير وانا اسمع هالصوت انت اخبارك حبيبي
خالد: انا عال العال بس مشتااااااااا اااااااا ااااااااق
نوف: ههههه حتى انا والله مشتاقه لك
خالد: هههههههههههه اموت انا ع الثقه من قال اني مشتاق لك
نوف اكتمت ضحكتها: اجل مشتاق لمين؟!
خالد بوز: مشتاق للولده
نوف كشرت: كذاب لو مشتاق كان ماعذبتها خالد حرام عليك خف عليها شوي والله بتموت من كثر ماتحاتيك وتسأل عليك وانت ولا معبره
خالد: وش اسوي صعب اكلمها
نوف: خالد ارحمها عالأقل دموعها جفت من كثر ماتبكيك وتحولت دموعها لدم اخدودها احترقن من كثر دموعها اللي نزلت هذي امك والي تسويه هذا عقوق
خالد شد ع شعره: مقدر صعب والله صعب
نوف عصبت: وش الصعب ياخالد انك معيش امك بجحيم ماتدري عن ضناها سنين ودنين هو تحت الأرض والا فوقه
خالد بألم: يكفي يانوف الي فيني كافيني انا مقتنع بالي اسويه وانا اتصلت لسبب واحد مشتاق اسمع صوت الوالده ممكن اسمعه والا اقفل
نوف بيأس: ممكن اصلن انا كنت ناويه انزل عندها تحت خلك معي بروح لها
مسكت نوف الجوال بيدها ونزلت مع الدرج وشافت امها جالسه بنهايت الصله الجانبيه وتناظر تحت: يمــــــــه يمــــــــه
راحت بتجاهها وحطت الجوال بجيب البنطلون عشان متشوف امها الأتصال استغربت وهي تشوف امها تمسح دموعها جلست جنبها ومسكت يدها وقالت بأستغرب: يــــمه وش فيك؟!
ام خالد تمسح دموعها بشيلتها: ابد يمه مافيني شي
نوف جلست قدام امها بالارض على ركبها: يمه وش مافيك شي ودموع هذي وش سببها
استغرب خالد وش فأمه وتمنا باالحظه هي انه ويكون بدال نوف وهو الي يسال امه ويمسح دموعها
ام خالد: وش اقولك يانوف اقولك عن همي وانتي مانتي ناقصه هم انسي ياأمي انسي
نوف امسحت دمعه نازله من خد امها: يمه احلفك بالله تقولين وش مضايقه
امها انفعلت: اعلمك بأخوك الي مختفي عن عيني مدري هو فوق الارض والا تحــ//عجزت لا تكمل\\وبكت ايه بــــــكت ع ضناها الي تعبت فحمله وفولادته وفتربيته واخرشي يختفي عن عينها قامت نوف واجلست جنب امها وضمتها وصارت تبكي معها
ام خالد من بين دموعها بصوت كسير: مابي اشوفه ولا ابي اكلمه بس ابي ادري انه بخير ابي ادري ينام زين يتغطى عن البرد ياكل زين صحته وش لونها كمل ادرستها ولا ماكملها نساني انا نسى امه والا لا ماحن لي ماحن لحظني احس اني اموت باليوم الف مره وانا مدري هو حي والا ميت خمس سنين وانا ابكيه خمس سنين وانا انتظر دخوله علي
كل يوم اذا سمعت الباب يطق قلت بس هذا خالد عجز لا يصبر عني انا امه لكن الي تشوفه عيني ان خالد نساني نساني وياويلي لو ضناي حشاشة جوفي نساني انا عشانه هجرت الي كان نضر عيني وهواي وحبيبي وزوجي ابوعيالي بسبت طرده لخالد هجرت صرت ما اكلمه الا لضروره جاني وتأسف مني وقلب الدنيا ع خالد يدوره مالقه خمس سنين وانا مافقدت الأمل كل يوم يتجدد لامل بقلبي اني بقر عيني فيه لكن اذا جت الحقيقه القاه بعيد بعيد آآآآه ياضناي آآآآه ياوليدي وينك وينك عن امه الي مانامت الليل تنتظرك ياويلك ياخالد من قلب امك الزعلان وضمت نوف وجلسو يبكون خالد
خالد عجز لايستحمل وصار يبكي ويشاهق مثل الاطفال بصوت عالي لدرجه انا فهد قام مفزوع ع صوت خالد اول ماطلع فهد من الغرفه تسمر مكانه وهو يشوف خالد جالس ع الارض يبكي بصوت عالي وحاط السماعه ع اذنه
خالد ماقدر يستحمل اكثر كلام امه ولاقدر يستحمل دموعها وصار يبكي ويصرخ: يــــــــــــــــــمه يــــــــــــــــــــــمه نــــــوف نــــــــــــوف
لكن مافيه امل يسمعونه لانهم يبكون بصوت عالي والكذا مسمعو صوته لان الجوال بجيب نوف خالد قفل الخط ومسح دموعه يمنعها من النزول واتصل ع نوف
نوف كانت ضامه امها وتبكي وفجأه اسمعت صوت جوالها يدق بنغمت خالد وتذكرته حاطه له نغمة(( غريبه الليالي خذت مني غالي تباعد وعيني رثت منها حالي انا مانسيتك ولو بيدي جيتك وطيفك ترى مايفارق خيالي زمانك توانا بطيب وغشانا ومن يوم افترقنا سرح فيك بالي عسا الله يجيبك وترجع بطيبك ترا الطيب طبعك من اول وتالي))
نوف طلعت جوالها وطالعت بأمها وشافتها تمسح دموعها ردت ع خالد: الو هلا ســ....
قطع كلامها صوت خالد الي بين وش قد باكي: نوف عطيني امي
ابتسمت بفرح: ان شاالله
التفتت نوف لأمها وشافتها سرحانه ومدت لها الجوال: يمــــه كلمي راح تنبسطين حلمك تحقق
ناظرتها ام خالد بظره تايهه ماتحمل اي معنا وقالت بصوت هامس: مين؟؟؟!!!
ابتسمت: كلمي وماراح تندمين
اخذت الجوال وحطته ع اذنها: الووووووو
خالد ودموعه تنزل: هلا يــــــمــــــه
صدمه صــــدمه صــــــــدمه واي صدمه خالد تسمع صوته لوهله ضنت انها غلطانه ماسمعت: مين
خالد بصوت باكي: انــــا يمه ماعرفتيني انا خالد يمه خالد
ام خالد بصدمه اكبر انطقت اسم خالد بدون صوت
خالد صار يبكي بصوت عالي يقطع القلب: يمه يــــمه سامحيني يالغاليه سامحيني
ام خالد صارت تبكي بصوت اعلى من صوته: لا لا انا بحلم خالد يمه حرام عليك ليه تسوي فيني كذا
خالد يبكي: سامحيني يمه سامحيني يالغلا
ام خالد تمسح دموعها وتعاندها وتطلع من جديد: يمه ياخالد وش لونك كيف صحتك اشتقتلك ياضناي وينك عن حظني يمه وينك ياخالد وينك تعال ابيك تعال
خالد يبكي بصوت اقوى من الي قبل وضم نفسه بأيده: يمــــه محتاجلك ضميني يمه ضميني احظنيني محتاج لحظنك يمه محتاج له يمه
ام خالد مهماكانت ام وماترضى تشوف دمعت ولدها مهما كان رجال امسحت دموعها بعزيمه وقالبها مجروح: بس يمه بس اللي فيني يكفي لاتزيد علي يايمه وينك ياقلبي قريب والابعيد اخبار صحتك زينه والا لا
خالد حس بمه وحس انها جاهدت عشان تمسح دموعها مسح دموعه ما حب يزيد عليها: لا والله يمه بعيد موبسعودي وبنسبه لصحتي الحمدلله انتي يمه شمسويه اخبارك وعلومك
ام خالد ودموعها تنزل بغزاره: والله يابوي اني ماني بخير من بعدك لا ليلي ليل ولا نهاري نهار احتيك وش مسوي ووش فيك
خالد بألم: سامحيني يالغاليه سامحيني
ام خالد: مسامح ياوليدي بس وين اراضيك يابوي اشتقت لك
خالد: اناببريطانيا يمه
ام خالد اشهقت: ياوليدي(تهدج صوتها) وش موديك لديار الكفار
خالد ابتسم ع اعتقادات امه: الله يطول لي بعمرك يالغاليه ادرس هناك
ام خالد تهلل وجهها: الحمدلله انت كملت دراستك
خالد: ايه يالغلا كملتها
ام خالد اكتسا وجهها الحزن: طيب ياوليدي مين عندك بهالغربه من يعتني فيك ويسوي غداك وعشاك
خالد ابتسم ع حنان امه: والله ياتاج راسي عندي بغربتي فهد صديقي هو الي يسوي غداي وعشاي وبعض الاحيان اساعده والا نجيب من هالمطاعم
ام خالد: ياليتني قربك ياوليدي وانا الي اسوي عشاك وغداك
خالد تنهد: ياليت
ام خالد: يمه ياخالد متى تقر عيني بشوفتك
خالد: مدري والله يالغاليه انا الحين ادرس ومابغى شي عن الامتحانات وعاد ان شاالله اذا خلصت وسمح لو وقتي جيت
قالت بغصه: الله يرجعك لي سالم متعافئ ويطول لي بعمرك ويصبر قلبي بعد فرقاك ياوليدي لاتطول علي
من اول ماسمع صوتها والابتسامه ما اختفت عن وجهه والعبره ما ابعدت عن حلقه: ان شاالله اذا ربي اراد
قالت بحنان اموي فياضي: ياوليدي ارسل صورتك خلني اكحل عيني بشوفتك
سكت برهه وبعدها رد: ابشري يا ميمتي انتي تامرين امر
مسحت دموعها بملفعها وتنهدت: ياوليدي ليش قاطعتني واهملتني
تنهد تنهيده احرقت قلبها قبل قلبه: والله يالغاليه انتي ادر بضروفي
عصبت وقالت بصوت حد: وشهي ظروفك هاااااه ظروفك انك مقاطع ابوك انه يبيك تطلع رجال ظروفك انه خاف عليك هذا بوك ياخالد ابوك والابو قدره عظيم ابوك لو يقطعك تقطع تقول سم وامر انا تحت اقدامك خادم سم يبه وامر ابوك الي ياما تعب لجلك ابوك الي تدين من خلق الله لجل سواد عيونك ابوك الي يبك تمشي بممشاه لكن ما مشيت ابوك رجال من صلب رجال ابوك رجال لكن انت والله منت برجال الي تسوي ببوك هالفعايل حرقت قلبه ورفعت ضغظه ان نادا بالغلط ناداك وان سها مايسهي الا فيك وان مرض انت اول من يناديك ومع كذا مارحمته ولا فكرة فيه وهو ماطرتك من البيده الانه كان ضامن انك بتجي وتتأسف منه وتشرح ان الزقاير الي كانت معك ماهي لك كان ضامن انك رجال وان تربيته ماضاعت طول هسنين آآآآخ بس وعيباه من سواتك وانا ياخالد مافكرة فيني ما فكرة بميمتك الي حمتك بطنها ٩ شهور حمل وليته اي حمل يهد الحيل وهذا غير آلام الولاده الي سببتها لي ربيتك ورعيتك وعمري ما رحت وخليتك بهسهوله بس اهون عليك كيف طاع قلبك على البعد خمس سنين خمس سنين ياخالد ياقو قلبك قواه وياويل من الله ويلاه
ونخرطت في بكا مرير يحرق قلوب كل الطرفين
دخل فهد الغرفه وسكر الباب عشان يخلي خالد ياخد راحته خالد اتكا براسها ع الكرسي من ورى ودموعه تسيك بدون توقف: سامحيني يمه سامحيني والله عارف اني غلطان بس سامحين عار ف اني غبي وعبيط ومغفل وساذج بس العذر والسموحه منك ارضى علي الله يرضى عليك
قالت من بين شهقاتها وملفعها بيدها تمسح به دموعها: راضيه عليك الى يوم الدين راضيه الله يرضى عنك دنيا واخره
سوري اكتفي بهذا القدر من الكتابه
للروايه بقيه واتمنا تسامحوني واللي عنده اي اعترض يقول راح اقبله بصدر رحب ولا تدققون بالاخطاء الاملائيه كثير.. هههههه
واتنمنا اني اقر ردودكم ...
03-18-2009
مواضيع جديدة في قسم ارشيف المنتدى 
.gif "Noor (386)")
ثنكيووووووو يابعد قلبي BANOTH على التوقيع من ايد مانعدمها
العرض العادي
