جالسه تدندن بصوت انثاوي طاغي على هدؤت المكان وغالب عليه الحده واقرب لصراخ <<سواها قلبي ياحبيبي وحبك مطاعني وانا عن الحب ناهيه الظاهر انه مايبي غير قربك عاف الجميع واول الناس راعيه عــــــــ...
ضاع الحكي من فمها على صراخ عبدالعزيز: ساره وجع ان شاالله القهوه وين الرجال له ساعه عندي وانتي ولا ع بالك
بعدت ايده عن اذنها: حبيبي ليش الصرخ الدنيا تفاهم الدنيا اخذ وعطا مو تجلس تصرخ بهالهمجيه وبدت تغني: الدنيا اخذ وعطا وانت ماعمرك عطـــ..
صرخه ثانيه من عزوز روعتها قال بصوت حاد مايقبل لنقاش: سويره ياسوسه والله ان ماقمتي تشوفين القهوه وين لكون مربيك انا القاها منك انتي والا من زوجك هذا مطيح ٢٤ساعه عندنا غثنا والله لولا الخوف من الله وحكم الشرع لخليه وانتي الي تقابلينه بس ملكي والله ما ادخل عنده لخليك انتي عنده
قامت وهي تميل فمها بغرور: هو بس وينه فديته متا املكه اصلآ انا لو بملك مراح اسمح لك تدخل عندنا توك صغير تكون جالس بيننا وحنا لسى كناري نخربك وانت للحين عزوبي ماتدل لرومنتيك طريق
ركضت للمطبخ وهي تضحك تشوفه كيف مسك عقاله وعصب من كلامها
زفر بـــ: قالت ايش (يقلد صوتها) رومنتيك مالت عليكم من بنات الحيا معدوم(صرخ بصوت عالي عشان ياصل لها) مايجوز تتفدين برجال للحين منتي بزوجته لا تستعجلين على رزقك
سمع صوتها وهي طالعه من المطبخ ومعها دلة القهوه: موزوجي صح لكن بكره العصر بيصير حلالي وش لك غاير
عطاها نظرة قرف: وش قلتي اغر ليكون من الغوريلا الي داخل
شهقت وقالت بعصبيه: مالغوريلا الا انت يالي ماتستحي والله ان ماشفت عيني حلاته والله انه احسن منك يالقرد(طلعت عيونها ع قدام بعصبيه)واسمع اياني واياك اسمعك بس تعيد هالكلام والله لكب هالدله على راسك
بلع ريقه واخذ منها الدلال عارف ان اخته قول وفعل وانها تسويها ماعندها اي اشكاليه ولا عندها ذرة نعومه همجيه درجه اولا: ابشري طال عمره انا الغوريلا بس لا تعصبين
ابتسمت برضا وهي تعطيه ظهرها: لا لا تكرم منت بغوريلا بس سلم لي عليه وقل له اني حدي مشتاقه متى يجي بكره قل له اني انتظره بكره بفارغ الصبر وياويله اذ ماصارت فيه شوفه لازم اشوفه يمكن مايعجبني شكله
زفر بــ"يــــــــارب رحمتك"
ودخل للمجلس عند ضيفه الثقيل
اما هي راحت لغرفتها فوق وهي تتمتم بأغنية: مين تكون السندريلا غير ساره والله ساره
وانتهت صوتها بصفقت باب غرفتا بقوه
٠٠٠٠٠٠٠٠٠٠٠٠٠
٠٠٠٠٠٠٠٠٠٠٠
٠٠٠٠٠٠٠٠
٠٠٠٠٠
٠٠٠
٠٠
٠
سكر الجول وهو يتنهد وكلام امه براسه" ياولدي ترى ربك بكل مكان خاف ربك باالسر ولعلن وهالله هالله بصلاه لا تأخرها وانا امك العبد اول مايسال عن صلاته " غمض عيونه بآلم " ليتني اعيد الآيام ورى وصحح كل غلطات السنين ليت آآآخ ومالي الا هاليت"فتح عيونه ع صوت طلع من جواله وناظر تقرير التسليم"تم تسليم نور دنياي"
فتح الرسائل المرسله وشاف صورته وهو جالس بمنتزه وجنبه فهد لكن فهد وجهه مو طالع بس طالع نص وجهه
رفع راسه ع صوت فهد: ولــكم
ابتسم ابتسامه صفرا: صباح الليل تو ماتقوم
فهد حك حاجه بأحراج: لا والله قايم زمان بس اتسبح عشان اتنشط
شك ان فهد شايفه وهو يبكي وحب يقطع الشك باليقين: ليه ماجيت هنا كنت انتظرك
قال بسرعه: جيت عنك لكنك كنت تكلم ومو داري فيني
عرف خالد انه شايفه مسح ع وجهه بخشونه لين حمر من قو المسح ورفع راسه وشاف فهد لابس: بتطلع...؟!
رفع فهد حاجه بتعجب: ماتقولي قوم عشان نروح للمياء ابوها بالمستشفى
ضرب جبينه بيده: اوووووووه ياربي كيف نسيتها
يالله يالله امش خن نلحق عليها والله تاخرت
...........
..........
........
......
....
...
..
.
بمكان ثاني بعيد كا البعد عن بريطانياء بالقصيــــم
ام خالد ضامه الجوال لصدرها وتبكي
نوف: يمه الله يخليك يكفي الحمدالله سمعتي صوته وشفتي صورته وش تبين اكثر من كذا ..؟!
ام خالد وهي مو معطيتها وجه: الله يحفظه من شياطين الجن والانس الله يقر عيني فيه عاجل الله يرزقني شوفته قبل اموت
شهقت نوف: هو يمه قولي لااله الا الله هذا بدال ما تدعين لنفسك بطولة العمر تدعين انك تشوفينه قبل ماتموتين تفائلي بخير يمه
مسحت ام خالد دموعها: يمي مشتاقه له احس بروحي بتطلع ابيه انحرمت من شوفته
دمعت عيون نوف : يمه الله يخليك لي هذا انتي شفتي ولا بعد سمعتي انه يقول انه بيجي قريب
فجئه ارفعت ام خالد عيونها بغضب: انتي وش لون عرفتي رقمه وش لون دق عليك..؟ّ!
قالت برتباك وتلعثم: ...هــ..ــااااا ه
ام خالد : من قال هاااه سمع يابنت ابوك
نوف برتباك: يمه الله يهديك وش هالكلام انا معرف شئ انا بجد ما سمــ..ـعت شئ
ام خالد وهي زامه شفتها بغضب: اقووول وش عرف خال برقمك
نوف سكتت بره بعدين طرت على بالها كذبه غبيه: هااااه ايه ايه يمه(حركة يديها ايقالها تتكلم بحماس وماتكذب)هذا الله يسلمك انا لما شفت دموعك بصراحه عجزت لااستحمل(ورمشت بعيونها بقوه وبلعت ريقها عشان تكذب زين) وبعد اشتقت له ولكذا اتصلت على الاتصالات ببريطانياء وسالت عنه واعطوني رقمه
ام خالد بعدم تصديق : طيب وانتي وش معرفك انه ببريطانياء ؟؟
سكتت وحست انها خلاص انكشفت قررت تعترف يوم قررت تقول كل شئ خطرت ببالها كذبه اقوى من الاولى: هو يمه انا يوم ايست ان اخوي يرجع كتبت اسمه باالنت وطلع لي
ام خالد بنظره ماتحمل اي تصديق: اممممممم وهو بصفته وش يطلع اسمه بالنت
نوف طرت ع بالها كذبه اكبر واكبر: يمه اله يهديك خالد يشتغل وشركته اسمها كبير بسوق ولكذا طلع اسمه من عرض الموضفين الوفيين باالشغل
ام خالد والكلام مو عاجبها: ايه اجل كذا يانوف (سكتت بعدين كملت) والله وانا امك مايهمني كيف عرفتي ومتى اللي يهمني ان وليدي رجع لي (وابتسمت) ابروح ابشر ابوك
ابتسمت نوف على امها لين بانت ضروسها.
تمنت تطلع تنهيده لكن خافت ان امها تسمعها قالت فباطنها : الحمد لك يــــــارب
..........
........
.......
.....
...
..
.
كان يمشي بممرات المستشفى وهو يضحك ع فهد الي يشرح له كيف اشتاق لأهله
فهد: احس ان قلبي كل ماتذكرت اشكالهم بيوقف لدرجه اني صرت ما احاول اتذكر اشكالهم عشان ما يوقف قلبي
خالد: ههههههههه الله يقطعك يارجال قل خير والا انطم
فهد بضيق : ياخي انت اللي انطم انا قاعد اتكلم بجد وانت جالس تتريق اقول بس اسكت ازعجت المرضى بهبالك
خالد وهو يمسح عيونه: الله يصلحك اللــ
قاطعه فهد بقهر: ياخي شايفني بزر يوم تقول الله يصلحك رجال طول بعرض مامليت عينك
ابتسم ع جنب: محشوب يالغالي
كشر بوجهه ولف يناظر قدام: انططططم ولاحرف اكرمنا بسكوتك
زادت ابتسامة خالد: ابشر كم عندي من فهد
>>> من قدك ياخالد مكلم امك
================================================== ==========
وين الامان ...؟!
ماله عنوان ..؟!
وين الامل..؟!
قالو بكره بينلقا جمرة لضا... وحزن وشقا ...
عمري مضى وصبري انبرى... وآآآآه يازمن ماعاد للوفا مكان همي عصيب ...
اشكي لمين ..؟!
واحكي لمين ..؟!
شوفو العيون كلها شجون ..!شوفو الفؤد كله طعون ..!
وصار الاحسن ريحه هبوب حزني عصيب ...
ودربي طويل ...
وجرحي كبير ...
ودمعي غزير ...
وهمي اليم ...
//والله عظيم ،،، والله عظيم//
مستنده ع الباب ورايحه بعالم بعيد بعيد بعيد كل البعد عن العالم وعن الارض تفكيرها مو ع وجه الارض غارقه بأفكرها بالمدا البعيد لهناك بسماء تفكر بأمها وابوها ولمى وسلطان
كانو طالعين بحديقة بيتهم
سلطان: لمو لمو برمي عليك الكوره امسكيها
لمى: طيب
سلطان رفع حاجبه وقال بطريقه منرفزه: انتي مين كلمك يالبزر...؟!
لمى تجمعت الدموع بعيونها: انا مو بذر
سلطان بستهزا: الا ب ز ر
لمى بدت تبكى : لا لا مو بذر انا كبيله انا كبيله انت البذر
تركت لميا كتاب رواية السهم الاسود اللي بأيدها: سلطنووووووووه وجع ان شاالله وش مسوي لها
رفع حاجبه بطريقه تستفز: وانتي وش دخله محامي الدفاع عنها لو فيك خير كان قمتي تلعبين معي مو مطيحه نهار وليل ع هالروايات الخايسه
لمياء بنت العشر سنوات: انت الحين وش دخلك اقر ما اقر ملك دخل
سلطان بو ثمان سنوات: الا لي دخل انا اعرف انك متعرفين حرف من الى تقرينه لكن عشان ساره تقرا بتقلدينا والا انتي ما تعرفين شى
لميا عيونها حمرت وعصبت ماتحب احد ينزل من قدرها: الا اعرفهم كلهم اعرف ريتشارد واعرف حبيبته جوانا واعرف السير دنيال اعرفهم كلهم(صرخت) هذا مو موضوعنا يالحيووووووووان (قالت بحمق) والله والله والله وشوفني حلفت ثلاث لو تلمس لمى موبأحسن لك
سلطان تجمعت الدموع بعيونه وصرخ: لاترفعين صوتك انا رجااااااااااااااااااااااااااال فاهمه وبد بنوبة بكا بصوت عالي
لمى كانت تبكى لكن يوم شافة سلطان يبكى اسكتت وراحت تمشى له: سلتان وس فيك اكيد الوحسه لميا ضلبتك
لميا كسر خاطرها اخوها ورمة الكتاب وراحت له: سلطان حبيبي انا اسفه ما اعيدها وعد بس لاتزعل قربت من عنده وجلست ع العشب الاخضر جنبه ومسحة ع راسه بحنان: انت صح رجال الرجال مايبكى
رفع سلطان راسه وقال من بين شهقاته: ايه صح انا رجال ماراح ابكي اصلن انا ما ابكى بس دخلة شعره بعيني وطلعة دمعتي
لمى ابتسمت بخبث: كذاااااااااااااب
سلطان عصب: لاتقولين كذااااااااااااب انا رجال مفروض ماتكذبيني
لميا ضمته بقوه: انت احلى جال
لمى من شافتهم غارت راحت تعلقت برقبة لميا: وانتى احلى لدال
لميا وسلطان: هههههههههههه
لمى شاركتهم الضحك وهي ماتدري شسالفه
سلطان انتبه لساره داخله مع باب الحوش وشاقه البسمه ابتسم لها وابتسامته ماكملت وهو يشوف عدوه اللدود قدامه ماسك ايد حبيبته قال بصوت يغطيه القهر: لميا شوفى ساره
مع الزفت
التفتت لميا وشافت ساره مع ولد عمها راحت تركض لها وهي شاقه البسمه وصلت عندها وهي تلهث: هههههه يادبه ليش تأخرتي كنت بقولك اني قريب انهي السهم الاسود باقى لي ١٧ صفحه بس انا حاسبتهم
ساره حاطه راسها ع كتف ولدعمها: انا انهيتهم زمان آآه يالميا ريتشارد يذكرني بخالد وجوانا مثلى رفعت راسها عن متن خالد الى مايتجاوز١٤ سنه: صح خالد
ابتسم خالد: مين ريتشارد ومين جوانا
ساره بحماس: رتشارد حبيب جوانا
خالد: سارونتي حبيبتي عيب عليك لاتقرين روايات مثل كذا موبزينه لك لما تكبرين اقريها
نزلت ساره راسها بخيبه: بس انا قريتها عشانك
خالد بستغراب: انا ليه وش سويت عشان تقرينها عشاني
ساره بحماس: انت تذكرني بريتشارد انت تدافع عني وتضرب الي يضربني ولكذا حبيت ريتشارد عشانك
ابتسم خالد ووقف قدامها بحيث تكون لمياه خلفه ع طول مسك كفوف ساره الصغير بنسبه لكفوفه: انا جيت اوصلك لصديقتك بس عشان اتطمن عليك تامرين بشي قبل ما اروح
هزت راسها بنفي باسها خالد مع جبينها واعطاها ظهره ومسك كفوف لميا: هااااه لمو تامرين بشئ قبل ما اروح..؟!
لميا ابتسمت وقالت بصوت ناعم: لا ما ابي شئ
غمض عيونه وقرب بيبوس جبينها ماحس الا وهو مرمي ع الارض
سلطان وعيونه يتطاير منها الشرر: انت احترم نفسك يالخايس شايف الدنيا سايبه يوم قربت تبوسها شكلك ناسي ان وراها رجال يقدر يتوطاك ويكسر خشمك
وقف خالد وبان طوله بنسبه لسلطان لدرجه ان سلطان رافع راسه فوق يطالعه وخالد منزل راسه يطالعه مسكه خالد مع ثوبه وقال بصراخ: مين انت عشان تدف
سلطان يرتجف من الداخل بس قال بصوت ثابت: انا عمك وتاج راسك
رفع خالد يده بيضرب سلطان بس وقفته صرخة لميا: خالد الله يخليك اتركه
نفض خالد يده بقرف: بس عشانها
سلطان طالعه بنظرات استفزاز: قول خايف وارحم نفسك
ناظره خالد بنظرات استخفاف: انا خالد اخاف منك انت
طلع وسكر الباب بقوه لدرجه ارعبتهم وخلاهم مذهولين سلطان ماحس الا باحد يرمي نفسه عليه وياخذه بالاحضان: هههههههههههه تعجبني والله طول عمرك رجال وباسته بقوه يا اخي انت شئ نادر ياليتك اخوي
سلطان استانس ان ساره اعجبت فيه قام يعدك ياقت ثوبه: ايه اصلن انا رجال من زمان لوبغيت ترى اخليه يبكي اقدر بس يكسر خاطري بس انا سمحت له هذي المره عشانه ولد عمك والاالمره الثانيه ترى بتوطا ببطنه
ساره باسته بقوه: ايوووووووه لا تخلي احد يبوس لميا (ناظرتها بغيره) خصوصآ خالد
سلطان تنرفز: مدام راسي يشم الهوا لا خالد ولا غيرها يقدر يلمس شعره منها
آآآآآآآآآه يا سلطان وينك تشوف حالي وينك تشوف اختك وين وصلت آآآآآآآآآه ياسلطان ياتاج راسي مين بيدافع عني من بعدك وحيده لا ام ولا اب ولا اخت ولاخ ولا عزوه ولاسند حتى اهل وعائله ماعندي عندي عائله بس بالاسم حتى عمي الي اعتبرته ابوي متذمر من مسؤليتي والحين طايح بهالغرفه ما ادري الله يكتب له عمر اولا بعدك يانظر عيني لقيت من يحتويني لكن بعد عمي اللي احتواني من لي مين بيتحملين بعد عمي بكون بين انياب كلاب الشوار آآآآه منك يقدر يوم تعيشني بدنيتك اميره ويوم تعذبني وترميني رمي الكلاب ليت مستقبلي مكتوب قدامي بكتاب واشوف فيه وش اللي لي وش اللي علي وخالـــــــــد وش مصير بحياتي هل هو اسم عابر ع حياتي وينتهي والا اسم ثابت لنهايت حياتي
،،،
وكل هذا راح نعرفه بالاجزا الجايه هل هو اسم عابر اولا
،،،
تذكرت الي حصل مع خالد فجأه ربطت بين خالد احلامها وخالد ولد عم ساره شافت بينهم شبه كبير ابتسمت ع اقكارها وين وصلتها فجأه وصلة لاسم العائله عائلة خالد نفسها عائلت ساره فجأه انفجرت ضحك وهي تغالب دموعها: ههههههههههههههههههههههههههههههههههههههه
تضحك ع حبها لخالد وين وصلها من قو حبها اي واحد اسمه خالد هو خالد احلامها انفضت الفكره من بالها لانها بنضرها سخيفه كيف خالد فارس احلام ساره هو خالد ملاكها
...: هههههه وش عندك تضحكين لحالك حاصلك شئ ولا مثلي اليوم العالمي لضحك ..؟!
ابتسمت بخجل ع نفسها:هلا خالد لابس تذكرت شئ سخيف وضحكت
فتح فهد عيونه: تضحكين ع شئ سخيف والله فيك شئ والله ما اذكر السخافه شئ يضحك
ابتسمت بعذوبه: هلا فهد كيفك لا تخذ ببالك تراني مستخفه اليوم
ابتسم فهد : لا عادي
مد يده عشان يصافحها لكن هي مامدت يدها لانها تذكرت سلطان لو عايش ماراح يرضى لأي غريب انه يلمس يدها ابتسمت ع نفسها بستهزا اصلن لو كان عايش ماراح يخليها تطلع بدون حجابها وقررة من اليوم تحط الحروف ع النقاط وتبدا حياة شريفه حياة ترضى سلطان بقبره
فهد وخالد استغربو تصرفها والي ثار استغرابهم ابتسامتها المره خالد حاول يبعد الجو المتوتر: اخبار ابو نواف ماطلع؟!
ابتسمت: تصدق لو قلت لك اني ما تحركت من مكاني من اول ماطلعت ولاشفته ما ادري طلع او لا
رفع حاجبه بستغراب: اي ملاحظ هذا مكانك ماتغير قرب من عندها بخوف : لميا تعبانه فيك شئ
بعدت ع ورا وهي كارهه نفسها وعيشتها كارهه كل العالم حتى ملاكها وعمها وفهد وساره ونوف كارهتهم كلهم تحس بخناجر بقلبها مشتاقه بس لأهلها قالت بضعف وقلة حيله: لا مافيني شئ بس مابي اغير مكان عاجبني هذا المكان مابي اغيره
رجع ورا وهو مستغرب ردت فعلها وتذكر الي حصل معهم امس وفسر تصرفها عشان الي حصل: خلاص براحتك
فهد استغرب من البنت هذي كل يوم وكل ساعه وكل دقيقه وكل ثانيه لها مزاج عجز لا يفهمها يحس انها جريئه وانها خوافه وانها حزينه وانها سعيده مرات يحس انها محافظه ع نفسها ومرات يحسها انها بيعتها انسانه غامضه غامضه لحد الموت يحس انها صعبة المنال بنفس الوقت يحس انها سهلة المنال لـــــــــــــــــــــــــــــــــــــــــــــــــ ــــــــــــــــــــــــــــــــــــــــــــكـــــ ــــن تعجبه تعجبه بكل مافيها وكيف ماتعجبه وهو من اول ماطحت عينه عليها وهي اخذه منه عقله وكل مايتجدد لقائه معها يحس انها تخذ من روحه وحياتي يانـــــــــااااااااااااااس اعذروه هذي اول حب بحياتي اول انسانه يسلمها مفاتيح قلبه صدق انه ماوصل لعشقها لكن يكفي انه وصل لحبها وحب الرجال شديد وبنفس الوقت صعب خــــــلاااااااااص قرر وماراح يتراجع عن قراره لميا له ومستحيل فيوم تكون لغيره اذا خالد اخذها لعب هو اخذها جد ومستحيل يتنازل عن ممتلكاته ولميا من اليوم ملكه هو وبس وملك فــــــهد وبس والي يقول غير كذا قطع بالسانه
خالد سارح بأفكره ومو داري عن تفكير فهد والله لو يدري ما جابه معه سارح بأفكار لميا يسأل نفسه لميا شتفكر فيه الحين وش فيها متغيره احد مزعلها او متضايقه من الي حصل بس رحت ومافيه احلى منها وجيت واعوذ بالله اخلاقها متقلبه فوق تحت صح من افكاره ع صوتها المبحوح: عن اذنكم بشوف بابا صحى والا لا
خالد : تعالي بروح معك شمجلسنا هنا مالنا جلسه بعدك
فهد غار من كلام خالد وكيف مايغار وهو زوج المستقبل وقال بنبره حاده: امش وانت ساكت عاملي فيها سبيدر مان
طنشه خالد ومالقا لنبرته اي اهتمام ع باله ان فهد يمزح: انا اموت واعرف انا ذابح لك احد
اشر فهد ع صدره: ذابح لي هذا
التفت لصدر فهد وابتسم: اذا كنت ذابحه فالله يرحمه ماتجوز عليه الا الرحمه وانا اخوك
فهد لف وقال بضيق: ياشينك اذا قمت تفلسف
>>>شفتو بنت بدت بتفريق صديقين واخوين بعد ماكانو روح بجسدين والله يعين ع الايام الجايه راح تتضح الاجزا بتضاح لعبة الاقدار>>>
٠٠٠٠٠٠٠٠٠
٠٠٠٠٠٠٠٠
٠٠٠٠٠٠
٠٠٠٠
٠٠
٠
ضغط ايده ع موضع قلبه بفرح ودموعه تبلل لحيته: الله يبشرك بالجنه الله يرضى عليك دنيا واخره الله يرضى عليك مثل ماني راضي عليك الله يبشر بصحبة نبيه
سجد سجو شكر وحمدلله ع نعمه سجد وهو يبكي شكر للعزيز الجبار يبكي فرح يبكى سعاده يبكى اطمئنان عقدت الذنب الي يحس فيها راحت هموم الجبال الي ع صدره انزاحت تهلل وجهه بعد ماكان حزين ولده بكره بخير خمس سنين من الشقا والتعب والحزن تنمحي وتحل بدالها هذي اللحظه السعيده تعب تعب تعب ومحد حس بمقدار تعبه والحين كلمه وحده من ام خالد تمحي كل هالتعب الذنب الي يحس فيه راح وانمح
"الحمد لك يــــــــــــارب الحمدالله اللهم لك الحمد ع نعلمــــــــــــك"
دخل بنوبت بكا طويل يتخللها شهقات حاول يقول غير هالكلمتين لكن ضاع التعبير ضاع الحكي نعم الله عليه كثيره لكن ماقدر يقول غير كلمة
"الحمــــــــــــد لله"
ام خالد واقفه وتبكي وهي تشوف منظر زوجها والجوال بيدها وتنتفض زوجها سوا كذا وهو ماشاف الصوره اجل كيف لو شافها
رغد راميه نفسها جنب ابوها وتبكي
امــــــا نوف واقفه ع باب غرفة ابوها واختها شهد ماسكه بجامة نوف وتبكي وهي ماتدري شسالفه نوف تبكي تبكي ع نفسها وتبكي ع قلبها الي من حجر كيف منعت اهلها خمس سنين من هذي الفرح كيف نست انه ولدهم الوحيد كيف تغاضت عن مثل هذا الشي كيف منعت اطهر قلبي من الفرح بنظرها انها انانيه ونذله وخاينه كيف تعذب اغلا اثنين ع قلبها كيف منعت الفرحه لاتدخل هذا البيت كيف قست ع امها وابوها هي كلمات اطلقتها ع نفسها انها بمنتها الاانانيه والنذاله والبجاحه والحقاره كيف بس كيف حرمت اهلها من اخبار ولدهم بكرهم وحيدهم
تمتمت بـ" يــــــــــــاربي رحمتك"
قام من سجوده وهو يمسح دموعه وطاحت عينه على بنته رغد الي طايحه عنده وتبكى مسكها وضمها بقوه لصدره ومسح ع شعرها بحنان وهو يتمنا يهديها دموعه اختلطت بلحيته الي يتخللها الشيب
رغد أخت خالد عمرها /١٧/
وشهد عمرها /٨/
ام خالد: الله يديم علينا هالفرحه ياالوليد
ابو خالد(الوليد): آآآمين
ام خالد: ماتبي تشوف خالد
رفع راسه عن جبين رغد اللي للحين ما هدت من البكاء وهو مستغرب سؤالها: الله كريم هو متى قال بيجي
ام خالد عرفت انه مافهم سؤالها: والله هو ماقال يوم محدد لكن قال قريب انا اقصد ودك تشوف صورته ارسلها
رفع لها يده وهي تراعد وهو يحس ان بصيص الامل بدا يكبر وقال بلهفه ودموعه ماجفت: عطينــــــي
رغد وقف عن البكا ورفعت راسها عن صدر ابوها قالت بسرعه: بابا انا بشوف اول
سكت عنها وعاد كلمته: عطينــــــي
مدت ام خالد له الجوال وبدا يناظر بكل لهفه ورغد مدخله راسها معه بالجوال شهد تركت نوف وركضت عندهم بتشوف وش فيه ابو خالد ما اصدر اي ردت فعل غير انه ابتسم ودموعه ع خده وهو يناظر ***وكة ولده اخذتها الذكرى لقبل ١٣ سنه.....
....: بابا اسمعني اووووووه بابا اترك الجريده اسمعني
لكن لا حيات لم تنادي ابتسم بخبث طفولي وهو يقرب من ابوه بيسحب الجريده لكن ابوه اسبقه ورفع الجريده فوق ومسكه وهو يضحك
ابو خالد: ههههههه كم مره قلت لك لا تسحب مني الجريده هااااه حط راسه ع بطن خالد وصار يحركه وخالد يضحك
خالد: ههههههه بابا ههههههه خلاص والله خلاص هههههههههههههه
ابو خالد: اول شئ اوعدني انك ماتزعجني وتجلس تكلم فوق راسي
خالد حط يده ع فمه وهز راسه بمعنا طيب
نزله ابو خالد: ياالله روح
حرك خالد يده اليساره بمعنا انه يبي يتكلم ويده اليمين للحين ع فمه
ابو خالد ابتسم ع برائته: يالله تكلم وش عندك
رفع خالد يده عن فمه وهو ياخذ نفس: آآآآه بابا كنت بقول ان الابلا اليوم في الروضه تقول وش بتصرون اذا كبرتم وش رايك بابا اصير طيار والا ضابط
ابو خالد: ان شاالله امام مسجد
خالد بفرح: يعني اصير مثلك بابا
ابو خالد: ان شاالله ياعيون بابا تصير مثلي واحسن مني بعد
فجأه طفت فرحة خالد: بس بابا خلاص ماراح اصير شيخ
استغرب من تغير مزاج خالد: ليش يابابا
خالد بحزن: لاني اذا كبرت بحط لي ***وكه والشيخ لزم لحيه وانا ما احب اللحيه عشان الدبه نوف اذا تهاوشت معها ماتمسكني مع لحيتي لاني امسكها مع شعرها هي بتمسكني مع لحيتي
ابو خالد: ههههههههه وبس هذا الي يخليك ماتدخل خلاص صر شيخ بدون لحيه شيخ ب***وكه
خالد بفرح: صدق بابا عادي اصير شيخ بدون لحيه
ابو خالد عجز لا يمسك نفسه من الضحك: هههههههههههههههههههههههههههه اي صدق ياقلب بابا
انتهت الذكرى من باله وهو يناظر ***وكة ولده من يصدق ان هذا بكره من يصدق ان كل هالرجوله والهيبه الي بصوره ولده مين يصدق ان عنده ولد مثل هذا ولد قول وفعل قال كلمته وهو صغير ونفذها وهو كبير ولد يفتخر فيه ولده ينااااااااااس هذا ولده هذا عزه هذا الرجال الي قدام عينه ولده صدق انه بصوره شكل رجال كبير لكن ابو خالد يشوفه طفل صغير مهما يكبر بيظل طفل بعينه ماراح يكبر
٠٠٠٠٠٠٠٠٠
٠٠٠٠٠٠٠
٠٠٠٠٠
٠٠٠
٠٠
٠
ضحكم وازعاجهم واصل لنهاية الممر فجأه حل الهدو والصمت رفع راسها وناظر لميا الي بنسبه له تكون نظر عينه وشمعة زمانه: اخبارك لمو متأكده انك بخير
هزت راسها وهي مساكه يده وجالسه ع طرف السرير: اي بابا متأكد وقالت بأبتسامه: وش فيك
مسح بندر ع يدها: مادري بس قلبي يقول انك متضيقه
قال فهد الي جالس بكرسي قدام سرير بندر: والله بين شكلها مره متضايقه
ناظرها خالد وهو جالس بكرسي قدام سرير بندر من الجهه الثانيه: هي صدق متضايقه لكن صدقني تروح الضيقه وهي معك
ابتسمت له لميا: خالد ع فكره الدكتور ما قال متى يطلع بابا
خالد: الا قال بعد اسبوع
تضايق بندر وحاس حواجبه بأستغراب: وليش ان شاالله اسبوع انا يوم ومو متحمل كيف اسبوع لا مايصير الكلام هذا
فهد عدل جلسته: الله يهديك يابونواف صحتك فوق كل شي مايهم تحب القعده او لا اهم شي صحتك
بندر: الصحه تزين بسبت النفسيه وانا تبي نفسيتي تزين ببيتي (وناظر لميا) ومع بنتي
ضغطت لميا باناملها الصغار ع كفه: وبنتك بتكون مرافقه معك ماراح تخليك
بندر: ما علي انا بطلع سوا جلستي او لا
خالد: ابونواف والله اشك انك بزر انت توك طالع من عمليه ترجع للبيت بهسهوله
قاطعتها لميا واهي تطالع بندر بنص نظره: ماعليك منه انا قلت مايطلع يعني مايطلع اذا صحته مو غاليه عليه فهي غاليه علي
ابتسم لها فهد: هذا تهديد صريح
بندر ابتسم: وش نسوي لميا قالت ما علينا الا ننفذ المشكله ما نقدر نقولها لا
تمتمت لميا بينها وبين نفسها: الله لا يحرمني منك
٠٠٠٠٠٠٠٠٠
اليوم يوم ساره يوم مناها اليوم هذا تكون هي نجمته وهي ضياه ونره اليوم هذا غير وشعورها غير واحساسها غير حتى الاغاني اليوم غير اليوم حلمها حلم طفولتها تحقق بس تحقق جزء منه موكله امنياتها وهي صغيره انها تكون عروسه وتكون بالفستان الابيض ويكون جنبها فارس احلامها خالد اليوم هي عروسه بس بدون فستان ابيض وبدون خالد بس مع كذا سعيده مع انها تتمنى خالد بس جاء الي يعوضا عن خالد صدق ان حبها لخالد مايقارن لحبها بفيصل بس شتسوي خالد غير خالد حلم اشبه بالمستحيل مستحيل فيوم من الايام يكون ملكها لكن شتسوي العين بصيره والايد قصيره اليوم ملكتها اليوم وبعد دقائق قصيره يربط اسمها مع اسم فيصل اليوم تكون" سارة فيصل" اليوم بتكون ملك لفيصل يعني احلامها وامنياتها اشبه بالمستحيل خالد يروح بدربه والله يوفقه
نوف: ياهوه وين رحتي
ابتسمت لها بتوتر: هلا معك وين بروح يعني
نوف: ايه هين قالت ايش قالت معك
سكتت عنها وغابت بذكرى لطولتها
((....: ههههه خالد نزلني خلاص الله يخليك خلاص والله ما اطلع مره ثانيه
نزلها خالد وهو يضحك: احسن تستاهلين مره ثانيه اذا قلت لك ادخلي تدخلين مو تراددين
تخصرت وقالت بنرفزه: طيب انا مو اخت عشان تقول ادخلي
ناظرها خالد بنظره طفوليه: ايه مو اختي بس انك بنت عمي
تكتفت ومدت بوزها شبر: هااااه سمعت انت قلتها بعضمة لسانك اني بنت عمك مو اختك سمعت
قال بطريقه تستفز: بنت عمي مثل اختي يعني اتحكم فيك ع كيفي
ساره عصبت منه لكن كبتت مشاعرها وحبت تستفزه: حط قوتك ع مرتك مو علي
طالعها خالد بنص نظره: ان شاالله انتي مرتي وام عيالي
انحرجت ساره هي خلقه تحبه عاد كيف بعد كلمته وحبت تبين العكس:بسم الله علي من مرتك انتو الناس عشان اطلعك
تكتف وحبس ضحكته يدري انها تموت عليه حب يقهرها: قولي بسم الله عليها منك فديتها انا وش جاب الثرى لثريا
ساره بغرور: هيه حدك لا تتفداني
رفع حاجبه : ومن قال اني اتفداك اصلن انا خلاص مابيك ابي لميا بنت جيرانكم
عصبت عليه بقوه: هيه انت انا زوجتك غصبآ عليك رضيت او مارضيت ولميا العوبا والله مخليها تدخل بيتنا مره ثانيه انا اعرف كنت شاكه انكم يوم تجون لنا من الرياض عشانها لكن هين والله ماخليك تشوفها مره ثانيه
وراحت عنه معصبه وهو مات ضحك ع عصبيتها الغبيه
وفعلآ من ذاك اليوم وخالد ماشاف لميا ولميا ماشافت خالد لا اهل خالد ساكنين الرياض ويجون زياره لاهل ساره بالقصيم واذا جو من الرياض ساره ماتروح للميا وترفض ان لميا تجيه كان عمر ساره ولميا ١٠ سنوات يوم مر ع كلام ساره لخالد ٤ شهور ويتوفون اهلها بحادث واهي الوحيده الي نجت وسكنت عند عمها طلال برياض بعدين تخلا عن مسؤليتها وعمانها الباقين سوو مثل عمها طلال الاعمها بندر كان ساكن بالبيت وحده اخذها ورباها عنده فبيت امه وابوه المتوفين وتوضف وكبر اسمه بسوق وكمل دراسته ببريطانيا واهي معه و
كبر اسمه وكبرت شهادته وكون له شريكه وكبرت الشركه وتعددت فروعها بكل البلدان وصارت اغلب حياته ببريطانيا صدق يرجع لسعوديه لكن مو كثير يروح يسلم ع اخوانه ويودي لميا لاهل ساره الي كانو بمثابة الاهل لها ))
صحت من افكارها ع صوت امها: ياساره ماتسمعين اقولك ابوك ينتظرك تحت
مسكت نوف ضحكتها: عمتي ساره مي بصاحيه اليوم احسها صقهانه انادي عليها ماترد علي
ساره ردت قبل لا تنطق امها: لا يمه اسمعك بس سرحت شوي
ام عزيز: طيب ياالله يا يمه ابوك معه الكتاب ينطرك تحت
ساره برعب: لا يمه الله يخليك ما اقدر اقابل ابوي استحي قولي لعزيز يجيب الكتاب مو ابو
ام عزيز افهمت خوفها انه حيا ما درت ان ساره تقول كذا عشان تطق الميانه مع فيصل: يصير خير يمه انتي الحين انزلي معي وكل شي بخير ان شاالله
اومت ساره براسها وطلعت ورا امها ونوف غرقانه بضحك عليها
بعد ماقالت امها رغبتها لعزيز صرف ابوه واخذ الكتاب وهو مستغرب من متى ساره تدل للحيا طريق
دخل عليها بالمجلس: يالله ياعروس وقعي
رفعت شاعره ع ورا بحركه عشوايه: بسرعه قول وين اوقع طفشت
ابتسم: اعصابك ياحلو اهم شي الاعصاب عشان اذا جا مقرود الحظ واخلاقك اوكي
عصبت: اقول انطم ولا كلمه وبسرعه قل وين اوقع
فتح عيونه ع كبرهن: نعم شقلتي
بلعت ريقها ومدت بوزها وتجمعت الدموع بعيونها هي تلقاها من مين او من مين من حلم حياتها الي صار اشبه بالمستحيل والا من صديقة عمرها الي اعتذرت وماحظرت ملكتها والا من احساسها بذنب الخيانه طلعت منها هذي الكلمه بصوت ولي اول مره يكون صوتها رقيق وضعيف: آسفه
عزيز استغرب من الدموع الي بعيونها هي مو اول مره تقوله كذا لاوبعد تقول اخس من كذا مسح ع راسها بحنان: حنا حياتي وقعي تحت توقيعه وجنب اسمك وبعدين مابينا اسف انا امزح معك
اومت براسها بهدو ومسحت دمعه نزلت من عينا ومسكت القلم وبأرتباك وقعت
ابتسم عزيز لها وباس جبينها: الف مبروك حبيبتي
همست : الله يبارك فيك
مسك يدها بحنان: حبيبتي خليك هنا فيصل بيشوفك
وقفت: اوكي خلاص بروح للمغاسل دقايق بزين شكلي
ابتسم لها: قمر مايحتاج تعدلين شي
طلع عنها وهي راحت للمغاسل وقررت انها تحاول قدرالمستطاع توجه مشاعرها لفيصل وتنسى شي اسمه خالد واول خطوه انها تكون جريئه بزياده عشان يدخل قلبها ع طول
"ساره"
نطقها عزيز وهو يشوفها سرحانه
رفعت راسها: نعم
عزيزبأبتسامه: ياالله الرجال داخل
ساره: اوكي
تقدمت عزيز بتدخل المجلس بس وقفتها يد عزيز
عزيز بستغراب: وين رايحه كل هذي شفاحه ع الرجال اول انا ادخل بعدين انتي خلاص
رفعت حاجبها بأستغراب: وانت خير ان شاالله وش عندك بتدخل عندنا مضيع شي انا شرطي بالملكتي ان محد يجي حتى اهله بس امه الي جت وانت جاي راز وجهك خير باخذ راحتي مع زوجي
عزيز: صدق ماتستحين اصلن انا بس بدخلك واطلع
ساره: اوكي لاتطول عندنا
عزيز ضربها مع راسها بعصبين: والله ان الحيا بجهه وانتي بجهه لعن ابو بليسك ماتستحين
ابتسمت: لا استحي لكن حنا بعالم التطور حنا عام ٢٠٠٩ يعني بعالم السرعه والحضاره وتبادل الاحوال حبيبي شكلك ماشفت (هشام الراشد) كيف حنا غير جيلنا غير
سحبها مع يدها بقهر: اقول امشي بس امشي
============
دخلت وهي شاقه الحلق بأوسع ابتسامه شافت واحد يناظر الارض ومن حس بحركتهم رفع راسه وابتسم واهي ردت له الابتسامه بأوسع منها وقف عشان يسلم عليها واهي ماصدقت ع الله ع طول راحت له وخامسته
فيصل: هلاوالله اخبارك
ساره واهي مانزلت نظراتها عنه: تمام الحمدلله انت اخبارك يالقاطع (طلعت منها الكلمه عفويه شكلها تظن انها تكلم وحده من صديقاتها)
فيصل مسك ضحكته ام عزيز تمنا ان الارض تنفتح وتبلعه من الأحراج
فيصل: بخير الله يسلمك
ساره تركت يد فيصل وراحت جلست بنفس الكنبه الي جالس فيه بينهم مسافه بسيطه بس عزيز كل شوي وجهه يسود من الاحراج خصوصآ وهي يشوف اخته كيف تطالع بفيصل تقل بتاكله وهو منحرجه و ع فمه ابتسامه مخفيه يناظر بكل شي الا وجهاها عزيز عشان يبعد الاحراج عن نفسه استاذن وطلع اما ساره عايشه عالم ثاني وهي تناظر خدوده سمان ولونهم مايل للحمار امنيتها في لحظه هذي انها تعض خدوده تموت ع شي اسمه خدود وخرت عيونها عنه خافت انها تتهور وتعض خدوده تحس اسنونها بيتكسرن من كثر ماهي ضاغطه عليهن حبت انها تلهي نفسها باي شي ينسيها خدوده فظطرت انها تكلم: أ ..أ ..الحين انت وش وضيفتك
جاته الضحكه ع سوالها الغبي معقوله تزوج واحد ماتعرف عنه شي ماحب يضحك ويحرجها خصوصآ انه يحس انها مرتبكه مادرى ان الي مربكها خدوده: انا الله يطول لي بعمرك اشتغل بشركة ارامكو بشرقيه
ساره بسؤال غبي: عاد سهله والا صعبه
ابتسم وهو يقاوم ضحكته: الحمدلله زينه
ساره بفلسفه همها انها تهرج وماتناظر خدوده: آآآه حلو كانها زينه اهم شي انك مرتاح لان الراحه اهم شي
فيصل: لا الحمدالله الراحه مرتاح
ساره: الحمدلله
مرة لحظة صمت قطعها صوت متهدج يغال الغصه صوت حنون يبارك: الف مبروك الله يرزقكم _تهدج صوتها زياده_ الله يقر عيني فيكم ويبلغي عيال عيالكم
وقف فيصل لامه وراح وضمه: يمه الله يهديك بدال ماتفرحين وتزغرطين جالسه تبكين_ باس راسها_ الله يرضى عليك يمه هذي ليلتي ابيها فرح مابيها صياح
مسحت دموعها بطرحتها الي تغبي الشيب تحتها: ياوليدي هذي دموع الفرح
باس يدها: حتى لو كان يمه مابي اشوف دموعك
طاحت عينها ع ساره وهي واقفه وري فيصل بصرعه: ابعد عني يمه بروح اسلم ع بنيتي ماسلمت عليها
تقدمت لها ساره وباست راسها ويدها
ام فيصل: مبروك يابنتي
ساره بأحراج: الله يبارك فيك يمه
ام فيصل من سمعتها تناديها بيمه عجزة لاتمسك نفسها ضمت ساره وبدت تبكي من جديد: والله اني اسعد انسانه من سمعتتس تقولين هالكلمه الله لايخليني منتس ولا من كلامتس يمي
ابعد فيصل امه من ساره : يمه ترا اغار الحين من ساره من طلعت ع الدنيا ومكاني حظنك والحين تجي ساره مكاني
ام فيصل : والله ياوليدي ان غلات ساره من غلاتك وساره بنتي مثل ما انت ولدي
ساره: الله يسلمك يمه
سحب فيصل امه وجلسها عنده وجلست ساره بالجهه الثانيه يعني فيصل متوسط امه وساره
ساره اسرحت بشكله وخصوصآ خدوده هي الي مجننتها ومعذبتها اسنانه بتتكسر من كثر الضغط عليهن نزلت عين ع ساعتها بتشتغل باي شي ام فيصل فسرة ان سكوت ساره حيا وتدنيقها احراج: فيصل ياوليدي ابعد عن البنت احرجتها
رفعت ساره راسها منصدمه مين تقصد لا يكون انها هي مسكت ابتسامتها وحاولت تمثل الحيا نزلت عيونها بحيا مصطنع
حد فيصل يده ع شعر ساره: هااااه حبيبتي انتي تستحين منك
ساره تمنت ان امه مهي فيه عشان تقول لاحبيبي ما استحي منك لكن سرحت فيك تعرفني اسرح فيك حتى وانا جنبك بس وطت ع امنياتها وكتفت انها تتمتم بحرفين: لا
فيصل التفت لأمه ولقاها اهي المستحيه: شفتي يمه ماتستحي مني
ام فيصل: الله يقطع سوالفك يافيصل احرجت البنت بطل وانت لبسها الشبكه ع راحتكم لاني ما اضمن ان البنت ماتذوب من الحيا
اول ماطلعت ام فيصل مع الباب التفتت ساره لفيصل والشرر يتطاير من عيونها: ليه تحرجني مع امك
فيصل انفجر من الضحك عليها وهي من شافت خدوده تنفخو زياده تبخر كل زعلها وتحول لبتسامه واسعه: وش عندك تضحك ياحظي
فيصل وهو يقاوم الضحك: ابد حياتي مافيني شي
ساره انقهر لانها للحين ماطقت الميانه لان امنيتها انها تعض خدوده وحبت انها تقول اي شي يخليه يوقف ضحك عشان متتهور لانها انفتنت بخدوده قالت بغنج: حبيبي لا تضحك علي ترا ازعل منك
هو من سمع كلمتها حبس انفاسه مع ضحكته وعدك جلسته وزين شماغه وناظر تحت
هي انجنت ع شكله وهو بولايت صاير بري بزياده حبت تحرجه زياده لان شكله طالع خوقاق مسكت كف يده وصارت تلعب بصابعه: فص فص متى تلبسني شبكتي
رفع راسه منصدم منها : مين فص فص
ساره بدلع وغنج: انت حبيبي لافيه فص فص غيرك انت فصفصي
عزيز دخل ع بداية كلمتها وتمنى يذبحها بالحياه وش هالوقاحه وقلت الحي هو يعرف ان اخته استاذه بالعربجه وبويه بدرجه الاولى شي واحد يثبت انها مي من بنات البويات شعرها طويل والبويات شعورهم بوي عزيز توقف عنده الكون وصدا كلمتها تتردد بأذنه وصورتها وهي جلسه جنبه وشوشي وتصير بحضنه ومنظر يد فيصل بين اديها ارغمه ع الوقوف بذهول
لسانه نطق بدون مايدري او يرتب اي جمله: فيصل ماتلاحظ انك تاخرت قوم الرجال ينتظرون
فيصل: طيب لحظه ما لبستها الشبكه
عزيز من بين سنونه: والله ما احد قالك مالبستها قبل شوي ياالله ياساره قدامي داخل
ساره عرفت ان اخوها تضايق وحبت تطلع بدون ماتناقشه
بس يد فيصل وقفتها: لحظه بلبسها الدبله ع الاقل
عزيز: خلاص الدبله بس لكن الخربيط الباقيه ماتلبسها
فيصل حس بضيقته لكن جهل سببها: ان شاالله
طلع عزيز برا قبل لايطلع قال لفيصل: انتظرك برا
رجع ساره مكانها وجلس جنبها وفتح علبه مخمليه فخمه وطلع منها الدبله مرصصه بفص من الالماس دخله بأصبعه يدها اليمين وباسها: مابي اشوفها نازله من اصبعك انا بنفسي انزله بليلة زوجنا من يدك اليمين وحطها باليسار
هزت راسها بالموافقه وهي ماتدري شيقول بالها مع عزيز لبسته الدبله وقال لها: وانا ان شاالله ماراح انزل دبلتي الايوم زواجنا وانتي بنفسك الي تحطينها بيدي اليسار
باس جبينها مو دع وطلع
٠٠٠٠٠٠٠٠٠
٠٠٠٠٠٠٠
٠٠٠٠
لروايه بقيه تريوني
آآآآآآآآآآآآسفه ع الاطاله اتاسف من كل قلبي
اتمنا اشوف توقعاتكم ع البارت...
دمتم بود....
04-07-2009
مواضيع جديدة في قسم ارشيف المنتدى 
العرض العادي
